السلااااااااااااااااااااااااام عليكم يابنااات...يارب تكونو بخير دايما ياااارب
اقروا الموضوع لاخره يا حبيبااااااااتي عشان فيه مفاجأة i think انها هتعجبكو باذن الله
الموضوع ده كنت عايزة اعمله من اووول الشتاااااا ... الاول احب اعرفكم على بشرتي جافة حساسة في الشتا وممكن تبئى عادية فالصيف ..طبعا تظهرلي حباية بس كل فين وفيييين واحيانا الجبهة بتكون دهنية فالصيف يعني من الاااخر كده بشرتي مختلطة مايلة للجفاف ...قليل لما بلاقي مواضيع للبشرة الجافة الكل تقريبا بشرته دهنية .عشان كده ناوية اعمل كم موضوع للبشرة الجافة ان شاء الله .. رغيت كتير ..ماعلينا كل انواع البشرات ممكن تعاني من تشقق الشفايف في الشتا واحيانا فالصيف كمان بعد خبرة طويلة مع الموضوع ده احب اقدملكم خمس نصايح لشفاه ناعمة وبعدها تقييمي لكم مرطب من كل الانواع تقريبا ...let's get started
FIVE TIPS FOR SOFT LIPS.....خمس نصائح لشفاه نااااعمة وقوية وكلها حنية
1/exfoliate your lips..تقشير الشفايف مهم جداااا مرتين تلاتة فالاسبوع ...بزيت زيتون او عسل مع معلقة سكر بني او ابيض المتاح عندك ...او فيه مقشرات موجودة فالاسواق بس i think ان زيت الزيتون والسكر كفاية اوي ومغذيين اكتر كمان...وبعد التقشير تفركي الجلد الميت الباقي بفوطة نضيفة وشوفي الل هيطلع
2/Don't lick lips ..ممنوع منعا باتا لعق شفايفك يعني ايييه؟؟ يعني فيه بنات بترطب شفايفها بلسانها زي كده
او كمان تشد الجلد الميت بسنانها .....وتضيع كل الل هي بتعمله والمرطبات الل بتدفع فيهم اد كده ...اتفقنا ؟؟؟؟
3/drink alot of water ..شرب المياة كان المفروض يبئى رقم وااااااحد ...الجسم الل فاقد الترطيب والحماية من الداخل مش هيأثر فيه كل الل بتعمليه عشان تحسني مظهرة الخارجي لازم مياة كتيييير وكلكو عارفين النصيحة دي ومابتعملوش بها ولا ايه؟؟؟
4/Do keep a moisturizer handy ...يعني ايه ؟؟؟ يعني لازم يكون حواليكي وفكل مكان مرطب شفايف في متناول ايدك ...يعني واحد في شنطة خروجك ...واحد في الكومود عشان تحطي قبل ماتنامي ...واحد فالحمام عشان تغسلي وشك او شفايفك بعد الاكل وتحطي وهكذااااا وده الل بعمله
5/Do layer your lips.....يعني اعملي طبقة على شفايفك امتى بئااا؟؟قبل ماتحطي الليب ستيك بتاعك ...بالذات لو كان مات matte lipstick ..لازم ترطيب عالي عشان المات بينشف الشفايف و بيظهر اي قشور ولو صغيره في الشفايف وبيبرزها ويبروزها اكتر
كده النصايح خلصت يارب تكون فادتكم...
نيجي بئى على my lipbalms colletion...هي مجموعة صغيرة بس فعالة والتقييم من 10 ...اولا مبقتنعش بلابيللو labello ..والماشي معاها مبروك عليها بس انا معرفش ليه مبحبوش ومش افظع حاجة فالحياة بالنسبة لي ...نيفيا حلو بس مش عندي حاليا...وتقريبا كل شركة ميك اب عندها واحد نيكس ...ايلف ...ميبيلين..لوريال....كلينيك...بيوديرما ...nuxe وكتيييير بئى مش هعد اعد
1/ tender care oriflame ...مرطب تندر كير من اوريفليم...تقريبا 15 جنيه
حلو جدا والل عندي بطعم الكاكاو ويتاكل اكل بس بحسة بيلزق الشفايف شوية تقييمي 8/10
2/born lippy ...the body shop ...كنت جيباه من السعودية 25 ريال تقريبا هنا ب 50 او 75 مش فاكرة
من ذا بودي شوب ليب بالم المفروض انه بيعمل فوليوم او حجم للشفايف ويرطب هو جلوسي شوية يعني فيه لمعه وبطعم الفراولة والكريز وتحسي انك عايزة تاكليه ...تقييمي 8.5/10
3/مرطب الشفايف الشهير جداااا eos lip balm ..اشتريته اونلاين
40 جنيه ..... 10/10
ده تقريبا كل اليوتيوبرز بيحبوه ويموتو فيه وعندهم كل الالوان والروايح منه ...بتاعي summer fruit وكان عندي .sweet mint ..روعة ويستحق الشهرة الل خدها لانو بيرطب مبيلزقش وريحته روووعة...كأنك مش حطة حاجة خفيف وترطيب قوي بصراحة ممتاز..وكمان طريقة تعليبه ظريفة ومختلفة ...تفتحيه وتمرريه على شفايفك مرة كده وبس... قبل الروج رائع لانه مبيغيرش قوام الروج ولا لمعته ولا لونه
ودي بقية الانواع
4/cherry culture lip balm..banana flavor....ليب بالم تشيري كلتشر بالموز ده طلبته من النت ..دي شركة او موقع امريكي بيبيع مختلف المنتجات التجميلية ..الليب بالم بتاعه حلو اوي بالنسبة لسعره
ده ب 10 جنيه هو رول اون ...بيفتح زي الصمغ الل حطة صورته جنبه هههههه عشان اقربلكو الفكرة بس
ده اشكاله المختلفة وده بتاعي بالموز 9/10
5/BABY LIPS® DR. RESCUE™ IN TOO COOL ...MAYBELLINE...ده ب 60 جنيه ... النوع ده من مرطبات ميبيلين اسمه DR RESCUE ده غير النوع التاني الل الوانه مطرقعه وبيكون تقريبا ب 40 جنيه ... ده اسمه MEDICATED CARE يعني علاج و ترطيب...لسه نازل قريب من فترة مش كبيرة
تقييمي له 9.5/10 حلو جدااا بجد وانا جبت اللون الشفاف ب الايوكاليبتوس والنعناع خفيف ومنعش وجميل جداااا تحسي شفايفك بتتنفس كده لما تحطيه ...وفعلا بيعالج وينعم .. هو ناقص نص درجة عشان احساسه زي الفازلين حاجة بسيطة غير كده هو ممتااااااااااااز
**********************************************
6&7 اماندا ...4 جنيه تقييمي 8/10 ...حلو ومعقول بالنسبة للسعر وااااااو بجد ..ده بئى الل فعلا ممكن تجيبي منه اتنين وتلاتة وتحطيهم حواليك فالبيت عشان دايما ترطبي شفايفك ...والانواع الل ممكن تكون غالية شوية تجيبي منها نوع ولا اتنين في حالة انك عايزة علاج قوي او ترطيب قبل المكياج
8/lip ice ...ده نوع امريكي تقريبا ب 20 جنيه ..فيه منه نوعين مرطب فقط وفيه مرطب وليب جلوس بمعامل حماية من الشمس 15 spf ..حلو اووووووووي بالنسبة لسعره وان فيه نسبة حماية وده مهم فخروجاتك بالنهار تقييمي 8/10 لان الجلوس تقيل ..المرطب لوحده جميل اوووي
***************
9/mavalia lip base.... ليب بيس من مافالا 10/10
60 جنيه من سنتر بوينت او سمير وليم اي مكان بيبيع ميك اب محترم
ده مش مرطب ده بيس او قاعدة لاي ليب ستيك رااااااااااااااااااااااااااااااااااااااااااااااااا ااااااائع شفتو اد ايه ...بيرطب وينفخ الشفايف لو فيها خطوط ناشفة كده تلاقيه رفعها وخلى الشفايف شكلها متناسق وجميل ... ده تاني واحد اجيبه تحطيه قبل الليب ستيك ب 5 دقايق وبعدها شوفي الروج هيجري على شفايفك ازاي
*******************
10/himalaya lip balm >>مرطب هيمالايا ب زيت نواة القمح وزيت بذور الجزر ههههه ...10 جنيه حلو ورائع وتحفة 9.5/10 لان احساسه زي الفازلين وانا مبحبش حاجة تقيلة على شفايفي
ده شكل الفتحة بتاعة مافالا وليب ايس وهيمالايا
***********************************
11/عمهم وحابس دمهم هههه nuxe reve de miel lip balm .... رااائع 99 جنيه ماترموش فالارض وتاني مرة اجيبه ...العلبة بتفضل عندك مدة كبيرة ده بجد بئى شيء اساسي في حياتي بالذات قبل النوم 100000/10
ده حجمة بالنسبة لميبيلين...مش هحكي عنه كتير ده حبيب قلبي وشهادتي فيه مجروحة ... جربت كلينيك الل هو
Superbalm Lip Treatment قبل كده ومعجبنيش بصراحة مجموعة reve de miel كلها عندي وهعمل تقرير كامل عنها ...تستاهل كل المدح لو حابين تعرفو اكتر عنه اكتبو اسمه زي ماانا كتباه بالانجلش كده وحطية على جوجل وشوفي الريفيوهات عليه عاملة ازاي واليوتيزبرز الاجانب بيعشقوه
**********************
12/ الفازلين مش فاكرة سعره موجود فكل البيوت لما اخلطه بالعسل بيكون كويس ومعقول
ومحاولة مني اني اعطي فازلين فرصة تانية يثبتلي فيها انه كويس جبت المرطب الخاص بالشفايف بتاعه لسه مفتحتوش ب 27 جنيه
*************************
افتكرت كمان انواع حلوة وسعرها كويس...سماكرز ليب بالم ... كارمكس ممتاااااااااز ...بالمرز ...بالمرز فيه spf 15 ...دي صورهم
المفااااااااااجأة ... معرفش هتبئى جديدة عليكو ولا انتو اشطر مني وعارفينه هههههه ...بس عجبني جدا وقلت i have to share with you guys
حاجة مهمة جداااااااااااااااااااا لكل وحدة بتعااااااااااني لما تيجي تحط روج احمر او اي غوامق على شفايفها وتلاقيها نزلت فالخطوط >>>فيه في elf دي شركة تجميل اغلبكو عارفها اسعارها جميلة وجودتها ممتازة في اغلب الحاجات ... ده اختراع من اختراعاتها وحبيب الملايين عاليويتيوب بردو ...اصل انا دايما بشتري بعد ماادخل عاليويتيوب وابحث عن الل هجيبه بعدين اشوف يستحق ولا لا ...خدوها نصيحة مني المهم ده عبارة عن محدد شفايف بلون شفااااااااف يمشي معاك على اي روج واي نوع واي حاجة ومش هتحتاجي 30 محدد لكل لون ليب ستيك عندك ...هيوفرلك وهتشوفي نتيجة هتبهرك ...طلبته في اوردر قريب وبجد هكرره لطول العمر ان شاء الله ان مخترعوش حاجة احسن المنتج ده اسمه اييييييييييييه؟؟؟؟؟؟؟؟؟؟
elf lip lock pencil ....lock يعني قفل ..يعني قفل عالروج وحبسه واستحالة يفلت برة شفايفك كلتي او شربتي
بتحطيه حوالين الشفايف من برة حاجة بسيطة وعلى اللاين بتاع الشفايف كمان حاجة بسيطة
بتحطيه حوالين الشفايف من برة حاجة بسيطة وعلى اللاين بتاع الشفايف كمان حاجة بسيطة
دي قبل وبعد من النت
فيه نفس الفكرة فماركات تانية بس أغلى جدااا ..ده ب 45 جنيه
وبس كدة اي اسئلة تحت امركووو
.jpg)