beauty blender review

(*·.¸(`·.ريفيو عن البيوتي بلندر.·´)¸.·*) 

السلام عليكم يااااابناااااات...اول موضوع ليا في الميك اب ...

الريفيو النهاردة عن البيوتي بلندر البيضة السااااااااحرة ..حبيبة الملايين حول العالم...من تجربتي الشخصية لسه جايباها في اوردر من كم يوم 

اولا السعر عشان ده السؤؤؤؤؤال المفضل الوحدة لوحدها تقريبا من 170/200جنيه مصري .. حسب الل انت بتشتري منها

انا جبت اتنين ب 270 اوفر واحسن...غالية؟؟؟؟؟؟؟ايوة غالية ...تستحق الفلوس الل هتتدفع فيها؟؟؟ايوووووووووة والله بدون مبالغة شوفو الريفيوهات عنها عاليوتيوب و في البلوجز كمان 

 دي شكلها جوة بداخل العلبة ... بييجي منها 3 الوان اسود/ابيض/بينك...طريقة استخدامها ..تنقعيها خمس دقايق في ماء مفلتر

هتكبر وشوفو الفرق واضح ازاي بين المبتلة والجافة

 ابحثو عنها يابنات على جوجل مش عايزة اكتب كلام مكرر...كل الل هقوله انها بتستخدم لاي فاونديشن ... كريم اساس يعني ...كونسيلر ... اي حاجة سايلة او كريمي ... رااااااائعة...فرقها ايه عن الفرش؟؟؟ انها بتدي لوك نضيف و flawless للوش ...انا وحدة من الناس بشرتي جافة لما بحط الميك اب ممكن تظهرلي قشور حوالين الفم في بعض الاحيان (الحمد لله محافظة على بشرتي)بس مش هنكر مع الاهتمام وكل حاجة اكيد في عيوب بردو ساعات تظهر ماعلينا ...هي مش بتظهر اي عيوووووب فالوش ...وشك كأنه رخااااااامة مفيش خطوط ولا دواير زي ماتحطي الفاونديشن بايدك او بفرشة...فيه فرش ممتازة هتكلم عنها بعدين بس دي تغنيك عن فرش كتير بجد

 هنعصرها من المياة ونبدأ نستخدمها لها رأس مدبب...دي بتستخدم للاماكن العميقة في الوش زي تحت العين حوالين الانف كده يعني...الجزء العريض ده لباقي الوش

 مهما اقلكو مش هوفيها حقها ... من الريفيوهات انها بتعيش 6 او 8 شهور مع الاستخدام اليومي ..يعني ممكن تفضل معاك وقت اكبر لو مش بتحطي ميك اب يوميا ....تنفع كمان لل bb cream or cc cream

فيه نوع ارخص منها وده شكله..كله بيقول ان الفرق فظيع بين الاصلية والتقليد

طريقة التنظيف

فيه منظف مخصوص لها هي دي صورته ...ممكن تطلبيه معاها  

او تستخدمي شامبو اطفال زي جونسون او غيره ودي طريقتي حتى في تنظيف الفرش ... وشفتها عاليوتيوب كتير جداااا مبيستخدموش الشامبو المخصوص للفرش او البيوتي بلندر 

وبس كده ... يارب يكون الريفيو عجبكم وده اول موضوع شجعوووووني ...ان شاء الله هعمل كذا موضوع بعد كده ويارب يكون فيه فايدة لكم ...باااااااااااي